Contoh/Tuladha Teks Asil Observasi pengamatan berbahasa Jawa
GAMELAN
Gamelan
minangka sawijine piranti musik tradhisional kang rata-rata kedadeyan saka wesi
utawa perunggu. Lumrahe gamelan iki digunakake kanggo ngiringi upacara adat,
lan bisa uga kanggo sarana panglipur kayata kanggo ngiringi wong nari lan uga
kanggo unen-unen wong tetmbangan. Ora mung Jawa sing nduwe gamelan nanging uga
ana suku liyane sing nggunakake gamelan. Kayata gamelan sunda, lan gamelan
Bali.
Gamelane
Suku Jawa bisa diarani gamelan kang ranjak utawa jangkep, amerga meh kabeh
piranti gamelan Jawa iku nggunakake wesi utawa perunggu. Mung ninggal kendhang
lan gambang sing ora nggunkake piranti wesi utawa perunggu. Bagean-bagean
gamelan iku ana sing diarani wilahan, pencon lan alusan. Sing diarani wilahan
iku piranti sing wujude wilah-wilah utawa gepeng-gepeng kayata saron, demung,
peking, slenthem. Dene pencon iku piranti sing wujude bunder-bunder kaya cemung
lan ana bendholane sing dithuthuk. Piranti pencon iki kaya bonang, kenong, kempul
lan gong. Dene sing bagena pungkasan yaiku alusan, tegese piranti sing unine
kalem banget kayata gender, lan rebab. Ketelu bagean kuwi lumrahe ditemokake
ing piranti gamelan Jawa.
Gamelan
Jawa iki wis didhaftarake ing UNESCO minangka music warisan budaya asli Jawa. Mula
anane gamelan iki wis digatekake banget dening pemerentah. Mula ora gumun yen
saiki saben sekolah iku nduwe piranti gamelan kang digunakake kanggo kegiyatan
ektrakurikuler. Malah-malah saiki akeh negara manca sing wis ngimpor gamelan
saka Indonesia kanggo bahan pasinaon ing negarane. Mula ayo aja kalah anggone
nguri-nguri tradhisi lan budaya leluhur, supaya amrih tetep lestari lan
ngrembaka.
BACA JUGA : TEGESE TEKS LAPORAN ASIL OBSERVASI (Pengertian Teks Hasil observasi
No comments:
Post a Comment